படி 1

தேவனுடைய நோக்கம்: சமாதான ஜீவியம்

தேவன், உங்களை நேசிப்பதால் உங்களுக்கு நிறைவான, நித்தியமான சமாதான வாழ்வைக் கொடுக்க விரும்புகிறார்.

வேதம் சொல்லுகிறது.

• "நம்முடைய கர்த்தராகிய இயேசுகிறிஸ்து மூலமாய் தேவனிடத்தில் சமாதானம் பெற்றிருக்கிறோம். "( ரோமர் 5 : 1 )


• "தேவன் தம்முடைய ஒரேபேறான குமாரனை விசுவாசிக்கிறவன் எவனோ, அவன் கெட்டுப்போகாமல் நித்தியஜீவனை அடையும்படிக்கு, அவரைத்தந்தருளி, இவ்வளவாய் உலகத்தில் அன்புகூர்ந்தார். " ( யோவான் 3:16 )


• "நானோ அவைகளுக்கு ஜீவன் உண்டாயிருக்கவும், அது பரிபூரணப்படவும் வந்தேன். " ( யோவான் 10 : 10 )

ஏன் அநேகர் தேவன் தரும் இந்த சமாதானமான வாழ்வைப் பெற்றுக்கொள்வதில்லை ?

---

படி 2

பிரச்சனை: நம்முடைய பிரிவினை

நிறைவான வாழ்வைப் பெறும்படி தேவன் நம்மைத் தமது சாயலில் உருவாக்கினார். ஒரு எந்திர மனிதனைப் போல் நம்மை உருவாக்காமல், தன்னிச்சையாக சிந்திக்கும் திறனையும் நமக்குக் கொடுத்தார். நாமோ நமது சொந்த இஷ்டம்போல் நடந்து அவருக்குக் கீழ்ப்படியாமல் போகிறோம். இது தேவனிடமிருந்து நம்மைப் பிரித்துவிடுகிறது..

வேதம் சொல்லுகிறது…...

• எல்லாரும் பாவஞ்செய்து, தேவமகிமையற்றவர்களாகி,( ரோமர் 3 : 23 )


• பாவத்தின் சம்பளம் மரணம்: தேவனுடைய கிருபைவரமோ நம்முடைய கர்த்தராகிய இயேசுகிறிஸ்துவினால் உண்டான நித்தியஜீவன். (ரோமர் 6 : 23)

தேவனிடத்தில் சேர நம்முடைய முயற்சி

மனிதன், தனக்கும் தேவனுக்கும் இடையிலுள்ள பிளவை நிரப்பப் பல வழிகளைக் கையாளுகிறான்.

வேதம் சொல்லுகிறது..

• மனுஷனுக்குச் செம்மையாய்த் தோன்றுகிற வழி உண்டு; அதின் முடிவோ மரண வழிகள். ( நீதி. 14 : 12 )


• உங்கள் அக்கிரமங்களே உங்களுக்கும், உங்கள் தேவனுக்கும் நடுவாகப் பிரிவினை உண்டாக்குகிறது. ( ஏசாயா 59 : 2 )


• தேவனை சேர ஒரே வழியை, தவிர வேறு வழியில்லை

---

படி 3

தேவனுடைய இணைப்பு: சிலுவை

இயேசு கிறிஸ்து நமக்காக சிலுவையில் மரித்து உயிர்த்தெழுந்தார்;. நமது பாவத்திற்கான விலையை அவர் செலுத்தி, தேவனுக்கும் நமக்கும் இடையிலிருந்த பிளவை நிரப்பப் பாலமானார்.

வேதம் சொல்லுகிறது....

• தேவன் ஒருவரே, தேவனுக்கும் மனுஷருக்கும் மத்தியஸ்தரும் ஒருவரே. ( 1 தீமோ. 2 : 5 )


• ஏனெனில், கிறிஸ்துவும் நம்மைத் தேவனிடத்தில் சேர்க்கும்படி அநீதியுள்ளவர்களுக்குப் பதிலாக நீதியுள்ளவராய்ப் பாவங்களினிமித்தம் ஒருதரம் பாடுபட்டார். – ( 1 பேதுரு 3 : 18 )


• நாம் பாவிகளாயிருக்கையில் கிறிஸ்து நமக்காக மரித்ததினாலே, தேவன் நம்மேல் வைத்த தமது அன்பை விளங்கப்பண்ணுகிறார். ( ரோமர் 5 : 8 )

தேவன் ஒரே வழியை உருவாக்கியுள்ளார். நாம்தான் தெரிந்தெடுக்க வேண்டும்.

நமது கடமை இயேசுவை ஏற்றுக்கொள்வது.

நாம் ஒவ்வொருவரும் மனந்திரும்பி, விசுவாசத்தினால் இயேசுவை தமது சொந்த ஆண்டவராகவும் இரட்சகராகவும் ஏற்றுக்கொள்ள வேண்டும்.

வேதம் சொல்லுகிறது

இதோ, வாசற்படியிலே நின்று தட்டுகிறேன்; ஒருவன் என் சத்தத்தைக் கேட்டு, கதவைத் திறந்தால், அவனிடத்தில் நான் பிரவேசித்து, அவனோடே போஜனம்பண்ணுவேன், அவனும் என்னோடே போஜனம்பண்ணுவான். (வெளி 3 : 20)

அவருடைய நாமத்தின்மேல் விசுவாசமுள்ளவர்களாய் அவரை ஏற்றுக்கொண்டவர்கள் எத்தனைபேர்களோ, அத்தனைபேர்களும் தேவனுடைய பிள்ளைகளாகும்படி, அவர்களுக்கு அதிகாரங்கொடுத்தார். (யோவான் 1 : 12)

கர்த்தராகிய இயேசுவை நீ உன் வாயினால் அறிக்கையிட்டு தேவன் அவரை மரித்தோரிலிருந்து எழுப்பினாரென்று உன் இருதயத்திலே விசுவாசித்தால் இரட்சிக்கப்படுவாய். (ரோமர் 10 : 9)

நீங்கள் நம்புகிறீர்களா? நீங்கள் இயேசுகிறிஸ்துவை இப்பொழுதே ஏற்றுக்கொள்ள விரும்புகிறீர்களா?

நாம் கிறிஸ்துவை ஏற்றுக்கொள்ள என்ன செய்ய வேண்டும்?

• நாம் ஒரு பாவி என்பதை ஒப்புக்கொள்ள வேண்டும்.
  


• இயேசு நம் பாவத்திற்காக மரித்தார் என்பதை விசுவாசிக்க வேண்டும்.


• இயேசுகிறிஸ்துவே ஆண்டவர், இரட்சகர் என்று அறிக்கைபண்ண வேண்டும்.
• ஜெபத்தின்மூலம், இயேசுகிறிஸ்துவை நம்வாழ்க்கையில் கர்த்தராகவும் இரட்சகராகவும் ஏற்றுக்கொள்ள வேண்டும்.

ஜெபம் செய்வது எப்படி?

"அன்புள்ள பரலோக தகப்பனே, நான் ஒரு பாவி என்பதையும், எனக்கு உமது மன்னிப்பு தேவை என்பதையும் நான் அறிவேன். இயேசு என் பாவங்களுக்காக மரித்தார் என்று நான் நம்புகிறேன். நான் என் பாவங்களைவிட்டு மனந்திரும்ப விரும்புகிறேன். நான் இப்பொழுது விசுவாசத்தோடு நீரே என் ஆண்டவர், இரட்சகர் என்று அறிக்கைபண்ணுகிறேன். இயேசுவின்நாமத்தில்,ஆமென்."

தேவனுடைய வார்த்தையே நமக்கு ஆதாரமாயிருக்கிறது
நீங்கள் இந்த ஜெபத்தை ஜெபித்தால்,வேதம் சொல்கிறது…

• "கர்த்தருடைய நாமத்தைத் தொழுதுகொள்ளுகிற எவனும் இரட்சிக்கப்படுவான்." (ரோமர் 10:13)



உண்மையாகவே நீங்கள் இயேசுகிறிஸ்துவை உங்கள் வாழ்க்கையில் வரும்படிகேட்டீர்களா? அவர் உங்களுக்கு என்ன கொடுத்திருக்கிறார்?


• “கிருபையினாலே, விசுவாசத்தைக்கொண்டு இரட்சிக்கப்பட்டீர்கள்; இது உங்களால் உண்டானதல்ல, இது தேவனுடைய ஈவு; ஒருவரும் பெருமைபாராட்டாதபடிக்கு இது கிரியைகளினால் உண்டானதல்ல;” (எபேசியர் - 2:8-9)

நீங்கள் கிறிஸ்துவை ஏற்றுக்கொள்ளும்பொழுது, விசுவாசிக்கிற ஒவ்வொருவருக்குள்ளும் வசிக்கும் பரிசுத்தஆவியின் இயற்கைக்கு அப்பாற்பட்ட செயல்களின்மூலம் நீங்கள் தேவனின் குடும்பத்தில் பிறக்கிறீர்கள். இது மறுபிறப்பு அல்லது புதியபிறப்பு என்று அழைக்கப்படுகிறது.
இது கிறிஸ்துவுக்குள் உள்ள அற்புதமான புதிய வாழ்க்கையின் ஒரு ஆரம்பமேயாகும். இந்த உறவில்வளர, நீங்கள்செய்யவேண்டியது:

• கிறிஸ்துவை நன்கு அறிந்துகொள்ள உங்கள் வேதத்தை தினமும் வாசியுங்கள்.


• தினமும் ஜெபத்தில் தேவனோடு பேசுங்கள்.


• கிறிஸ்துவைப்பற்றி மற்றவர்களுக்குச் சொல்லுங்கள்.


• கிறிஸ்துவை பிரசங்கிக்கிற தேவாலயத்திலுள்ள மற்ற கிறிஸ்தவர்களுடன் சேர்ந்து கிறிஸ்துவை ஆராதனைசெய்யுங்கள். கிறிஸ்துவோடு நடவுங்கள், கிறிஸ்துவின் வேலையை செய்யுங்கள்.


• தேவையுள்ள இந்த உலகில் கிறிஸ்துவின் பிரதிநிதியாக, உங்கள் அன்பு மற்றும் ஆதரவை பிறருக்கு காண்பிப்பதன்மூலம் கிறிஸ்துவில் நீங்கள் பெற்ற உங்கள் புதிய வாழ்க்கையை செயல்படுத்துங்கள்.

நீங்கள் இயேசுகிறிஸ்துவுடன் நடக்க நாங்கள் உங்களுக்கு உதவுகிறோம்.
மேலும் ”புதியஆரம்பம்” என்ற புத்தகத்தை நீங்கள் பெறவிரும்பினால் கீழ்காணும் எண்ணுக்கு தொடர்புகொள்ளுங்கள்.
+91 9677933033